கடந்த திமுக ஆட்சிக் காலத்தில் தனியார் பள்ளிகளுக்கு அங்கீகாரம் பெற்றுத் தருவதற்காக பணம் வசூலித்ததாக 177 பள்ளிகளிடம் இருந்து புகார்கள் பெறப்பட்டுள்ளதாக போலீஸ் தரப்பில் தெரிவிக்கப்பட்டுள்ளது.
இந்த விவகாரத்தில் சுமார் ரூ.100 கோடி வரை மோசடி நடைபெற்றிருக்கலாம் என போலீஸார் கூறியுள்ளனர்.
இதுதொடர்பாக அப்போதைய பள்ளிக் கல்வித்துறை அமைச்சராக இருந்த அன்பில் மகேஸுடன் தொடர்புடையதாகக் கூறப்படும் 9 இடங்களில் சென்னை மத்திய குற்றப்பிரிவு போலீஸார் செப்டம்பர் 16-ம் தேதி சோதனை நடத்தினர்.
தொடர்ந்து, சென்னை காவல் ஆணையர் அலுவலகத்தில் செயல்படும் மத்திய குற்றப்பிரிவு போலீஸாரிடம் செப்டம்பர் 18-ம் தேதி விசாரணைக்கு ஆஜராகுமாறு அன்பில் மகேஸுக்கு சம்மன் வழங்கப்பட்டது.
இந்த சம்மனின் அடிப்படையில் அன்பில் மகேஸ் இன்று போலீஸ் விசாரணைக்கு ஆஜராக உள்ளார்.
தனியார் பள்ளிகளுக்கு அங்கீகாரம் பெற்றுத் தருவதாகக் கூறி பணம் வசூலிக்கப்பட்டதாக கூறப்படும் புகார்கள் தொடர்பாக மத்திய குற்றப்பிரிவு போலீஸார் விசாரணை மேற்கொண்டு வருகின்றனர்.
சோதனை நடத்தப்பட்ட இடங்கள் மற்றும் பெறப்பட்ட புகார்கள் தொடர்பான ஆவணங்கள் உள்ளிட்டவற்றை போலீஸார் ஆய்வு செய்து வருவதாக தெரிவிக்கப்பட்டுள்ளது.