தமிழகத்தில் எல் நினோ காலநிலை மாற்றத்தின் தாக்கத்தை முன்கூட்டியே கணித்து, அதற்கேற்ப முன்னெச்சரிக்கை மற்றும் தழுவல் நடவடிக்கைகளை மேற்கொள்ள மாநில அரசு உயர்மட்ட நிபுணர் குழுவை அமைத்துள்ளது.
இந்தக் குழுவில் காலநிலை அறிவியல், வேளாண்மை, நீர்வள மேலாண்மை, பேரிடர் மேலாண்மை மற்றும் தொடர்புடைய துறைகளின் நிபுணர்கள் இடம்பெற்றுள்ளனர். எல் நினோவால் மாநிலத்தின் பல்வேறு பகுதிகளில் ஏற்படக்கூடிய மழைப்பொழிவு மாற்றம், வறட்சி அபாயம், விவசாய பாதிப்பு மற்றும் குடிநீர் தேவைகள் உள்ளிட்ட அம்சங்களை ஆய்வு செய்வது குழுவின் முக்கிய பணியாக இருக்கும்.
மேலும், மாவட்ட வாரியாக சாத்தியமான பாதிப்புகளை மதிப்பீடு செய்து, அதற்கான முன்னெச்சரிக்கை நடவடிக்கைகள் மற்றும் அவசரகால செயல்திட்டங்களை அரசுக்கு பரிந்துரைக்கவும் குழுவுக்கு பொறுப்பு வழங்கப்பட்டுள்ளது.
வேளாண்மை, நீர்வள மேலாண்மை, மின்சார உற்பத்தி, கால்நடை வளர்ப்பு மற்றும் பேரிடர் மேலாண்மை உள்ளிட்ட துறைகளுடன் ஒருங்கிணைந்து செயல்படும் இந்தக் குழு, காலநிலை மாற்றத்தால் ஏற்படக்கூடிய சவால்களை எதிர்கொள்ள தேவையான பரிந்துரைகளை அவ்வப்போது அரசிடம் சமர்ப்பிக்க உள்ளது.
எல் நினோவின் தாக்கத்தை அறிவியல் அடிப்படையில் மதிப்பீடு செய்து, பொதுமக்கள் மற்றும் விவசாயிகளின் நலனை பாதுகாக்கும் வகையில் முன்கூட்டிய திட்டமிடலை வலுப்படுத்தும் நோக்கில் இந்த நடவடிக்கை மேற்கொள்ளப்பட்டுள்ளது.
