இலங்கையின் யாழ்ப்பாணம் மாவட்டத்தில், தமிழக மீனவர்களின் எல்லைத் தாண்டிய மீன்பிடி நடவடிக்கைகளுக்கு எதிர்ப்பு தெரிவித்து மீனவர்கள் கருப்புக்கொடி ஏந்தி போராட்டத்தில் ஈடுபட்டனர்.
யாழ்ப்பாணம் அருகிலுள்ள கடல்பகுதிகளில் தமிழக விசைப்படகுகள் தொடர்ந்து அத்துமீறி மீன்பிடிப்பதாக போராட்டத்தில் பங்கேற்ற மீனவர்கள் குற்றம்சாட்டினர். இதனால் தங்களது வாழ்வாதாரம் கடுமையாக பாதிக்கப்படுவதுடன், மீன்பிடி வலைகள் மற்றும் உபகருட்கள் சேதமடைவதாகவும் அவர்கள் தெரிவித்தனர்.
போராட்டத்தில் பங்கேற்றவர்கள், இலங்கை கடற்பரப்பில் நடைபெறும் அத்துமீறிய மீன்பிடியை தடுக்க சம்பந்தப்பட்ட அதிகாரிகள் உடனடி நடவடிக்கை எடுக்க வேண்டும் என்றும் வலியுறுத்தினர். மேலும், வடக்கு மாகாண மீனவர்களின் வாழ்வாதாரத்தை பாதுகாக்க அரசு உறுதியான நடவடிக்கைகளை மேற்கொள்ள வேண்டும் என கோரிக்கை விடுத்தனர்.
தமிழகம் மற்றும் இலங்கையின் வடக்கு கடல்பகுதிகளை ஒட்டிய மீன்பிடி உரிமை தொடர்பான பிரச்சினை நீண்டகாலமாக இருந்து வருகிறது. இந்த நிலையில், யாழ்ப்பாணத்தில் நடைபெற்ற கருப்புக்கொடி போராட்டம், மீனவர்களின் கோரிக்கையை மீண்டும் வலியுறுத்தும் வகையில் அமைந்துள்ளது.
