மும்பை: மகாராஷ்டிர மாநிலம் மும்பையில் புதிதாக திறக்கப்பட்ட கடலோர சாலைப் பாலத்தில் ஏற்பட்ட கார் விபத்தில் 3 பேர் உயிரிழந்தனர்.
நேற்று காலை சுமார் 5 மணியளவில் மரைன் டிரைவ் பகுதியில் இருந்து ஹாஜி அலி நோக்கி பிஎம்டபிள்யூ கார் ஒன்று சென்று கொண்டிருந்தது.
லாலா லஜபதிராய் கல்லூரிக்கு எதிரே கார் சென்றபோது, ஓட்டுநரின் கட்டுப்பாட்டை இழந்ததாக கூறப்படுகிறது. இதையடுத்து கார் தடுப்புச் சுவரில் மோதி, பாலத்திலிருந்து கீழே விழுந்து நொறுங்கியது.
இந்த விபத்தில் காரில் பயணம் செய்த ஷனாய் கஜ்ஜல் (21), திர்யா சேத் (17) மற்றும் அடையாளம் தெரியாத மற்றொருவர் என 3 பேர் உயிரிழந்தனர்.
மேலும் ஒருவர் படுகாயமடைந்த நிலையில் ஆபத்தான நிலையில் சிகிச்சை பெற்று வருகிறார்.
விபத்து குறித்து அதிகாரிகள் விசாரணை நடத்தி வருகின்றனர். விபத்துக்கான காரணம் மற்றும் கார் கட்டுப்பாட்டை இழந்த விதம் தொடர்பாக விசாரணை மேற்கொள்ளப்பட்டு வருகிறது.