அகர்தலா: திரிபுரா மாநில காவல்துறை தலைமை இயக்குநர் (டிஜிபி) அனுராக் தன்கர், அகர்தலாவில் உள்ள மாநில காவல்துறை தலைமையகத்தில் உயிரிழந்த நிலையில் கண்டெடுக்கப்பட்டார்.
உடனடியாக அவர் மருத்துவமனைக்கு கொண்டு செல்லப்பட்ட நிலையில், மருத்துவர்கள் அவர் ஏற்கனவே உயிரிழந்துவிட்டதாக அறிவித்தனர். இந்த சம்பவம் காவல்துறை மற்றும் நிர்வாக வட்டாரங்களில் பெரும் அதிர்ச்சியை ஏற்படுத்தியுள்ளது.
மரணத்திற்கான துல்லியமான காரணம் உடற்கூறு பரிசோதனை அறிக்கை வெளியான பிறகே உறுதியாகத் தெரியவரும் என்று அதிகாரிகள் தெரிவித்துள்ளனர். சம்பவம் தொடர்பாக போலீஸார் வழக்குப்பதிவு செய்து பல்வேறு கோணங்களில் தீவிர விசாரணை மேற்கொண்டு வருகின்றனர்.
அனுராக் தன்கர் 1994-ஆம் ஆண்டு இந்திய காவல் பணி (IPS) அதிகாரி ஆவார். திரிபுரா காவல்துறையின் தலைமைப் பொறுப்பை வகித்து வந்த அவர் உயிரிழந்த சம்பவம் நாடு முழுவதும் அதிர்வலைகளை ஏற்படுத்தியுள்ளது.