புதுடெல்லி:
உக்ரைன் கடலோரப் பகுதியில் சரக்கு கப்பல் மீது நடத்தப்பட்ட தாக்குதலில் 4 இந்திய மாலுமிகள் உயிரிழந்த சம்பவத்திற்கு இந்தியா கடும் கண்டனம் தெரிவித்துள்ளது. இதுதொடர்பாக, புதுடெல்லியில் உள்ள ரஷ்யாவின் மூத்த தூதரக அதிகாரியை வெளியுறவுத் துறை நேரில் அழைத்து தனது கடும் எதிர்ப்பை பதிவு செய்தது.
வெளியுறவுத் துறை வெளியிட்ட அறிக்கையில், வணிகக் கப்பல்கள் மீது நடத்தப்படும் தாக்குதல்கள் முற்றிலும் ஏற்க முடியாதவை என்றும், அப்பாவி பொதுமக்களின் உயிரிழப்புக்கு இந்தியா ஆழ்ந்த வருத்தம் தெரிவிப்பதாகவும் கூறப்பட்டுள்ளது.
தாக்குதலுக்கு உள்ளான கப்பல் உக்ரைனின் ஒடேசா துறைமுகத்திலிருந்து புறப்பட்டுச் சென்றபோது ஏவுகணை தாக்குதலுக்கு உள்ளானதாக தகவல்கள் தெரிவிக்கின்றன. இந்த தாக்குதலில் இந்தியர்கள் உட்பட பலர் உயிரிழந்ததாகவும், சிலர் காயமடைந்ததாகவும் கூறப்படுகிறது.
உயிரிழந்த இந்தியர்களின் குடும்பங்களுக்கு தேவையான அனைத்து உதவிகளும் வழங்கப்படும் என்றும், சம்பவம் தொடர்பாக ரஷ்ய அதிகாரிகளுடன் தொடர்ந்து தொடர்பில் இருந்து விளக்கம் கோரப்பட்டுள்ளதாக இந்திய வெளியுறவுத் துறை தெரிவித்துள்ளது.