இம்பால்: நெடுஞ்சாலைகளை மறித்து போக்குவரத்துக்கு இடையூறு ஏற்படுத்துவது, பொது சொத்துகளை சேதப்படுத்துவது உள்ளிட்ட செயல்களில் ஈடுபடுவோர் மீது கடும் சட்ட நடவடிக்கை எடுக்கப்படும் என மணிப்பூர் அரசு எச்சரித்துள்ளது.
மாநிலத்தில் நிலவும் சூழ்நிலையை கருத்தில் கொண்டு, முக்கிய நெடுஞ்சாலைகளில் வாகனப் போக்குவரத்து மற்றும் பொதுமக்களின் இயல்பு வாழ்க்கைக்கு இடையூறு ஏற்படுத்தும் வகையில் செயல்படுவதைத் தவிர்க்க வேண்டும் என அரசு அறிவுறுத்தியுள்ளது.
நெடுஞ்சாலைகளை மறிப்பது, சாலைகளில் தடுப்புகளை ஏற்படுத்துவது, வாகனப் போக்குவரத்தைத் தடுத்து நிறுத்துவது போன்ற செயல்கள் சட்டம்-ஒழுங்கு பிரச்சினையை ஏற்படுத்துவதுடன், அத்தியாவசிய சேவைகளையும் பாதிக்கும் என தெரிவிக்கப்பட்டுள்ளது.
மேலும், அரசு மற்றும் பொதுமக்களின் சொத்துகளை சேதப்படுத்துதல், வன்முறையில் ஈடுபடுதல் உள்ளிட்ட செயல்களில் ஈடுபடுவோருக்கு எதிராக சட்டத்தின் கீழ் நடவடிக்கை எடுக்கப்படும் என எச்சரிக்கப்பட்டுள்ளது.
பொது அமைதியைப் பாதுகாப்பதற்கும், அத்தியாவசியப் பொருட்கள் மற்றும் சேவைகள் தடையின்றி சென்றடைவதற்கும் பொதுமக்கள் மற்றும் அமைப்புகள் ஒத்துழைக்க வேண்டும் என அரசு கேட்டுக்கொண்டுள்ளது.
சட்டத்தை மீறி நெடுஞ்சாலை மறியல் அல்லது பொது சொத்துகளுக்கு சேதம் விளைவிக்கும் நடவடிக்கைகளில் ஈடுபடுவோர் மீது எந்தவித தளர்வும் இன்றி உரிய சட்ட நடவடிக்கை எடுக்கப்படும் என்றும் மணிப்பூர் அரசு தெரிவித்துள்ளது.