தமிழக அரசுத் தேர்வுகள் இயக்ககம் (DGE) 10-ம் வகுப்பு (SSLC) துணைத்தேர்வு முடிவுகளை இன்று வெளியிட்டுள்ளது.
துணைத்தேர்வில் பங்கேற்ற மாணவர்கள் தங்களது பதிவெண் மற்றும் பிறந்த தேதி விவரங்களை பயன்படுத்தி இணையதளத்தின் மூலம் தேர்வு முடிவுகளை அறிந்து கொள்ளலாம். தற்காலிக மதிப்பெண் சான்றிதழையும் பதிவிறக்கம் செய்யும் வசதி ஏற்படுத்தப்பட்டுள்ளது.
முக்கியத் தேர்வில் தேர்ச்சி பெறாத மாணவர்களுக்கு மீண்டும் ஒரு வாய்ப்பாக இந்த துணைத்தேர்வு நடத்தப்பட்டது. தற்போது வெளியிடப்பட்டுள்ள முடிவுகளின் அடிப்படையில், தேர்ச்சி பெற்ற மாணவர்கள் அடுத்த கல்வி நிலைக்கு சேர்வதற்கான நடவடிக்கைகளை மேற்கொள்ளலாம்.
மதிப்பெண் விவரங்களில் ஏதேனும் சந்தேகம் இருப்பின், அரசுத் தேர்வுகள் இயக்ககம் அறிவிக்கும் நடைமுறைகளின்படி மறுகூட்டல் அல்லது மறுமதிப்பீட்டுக்கு விண்ணப்பிக்கலாம்.
மாணவர்கள் தங்களது பள்ளிகள் மூலமாகவும் மதிப்பெண் விவரங்களைப் பெற்றுக் கொள்ளலாம். தேர்ச்சி பெற்ற மாணவர்களுக்கு கல்வியாளர்கள் மற்றும் பள்ளி நிர்வாகங்கள் வாழ்த்து தெரிவித்துள்ளன.
