ஸ்ரீஹரிகோட்டா: இந்திய விண்வெளி வரலாற்றில் ஜூலை 18 ஒரு முக்கிய நாளாகக் கருதப்படுகிறது. 1980 ஜூலை 18-ஆம் தேதி டாக்டர் ஏ.பி.ஜே. அப்துல் கலாம் திட்ட இயக்குநராக செயல்பட்ட எஸ்எல்வி-3 (SLV-3) ராக்கெட் வெற்றிகரமாக ரோகிணி செயற்கைக்கோளை விண்ணில் நிலைநிறுத்தி இந்தியாவின் விண்வெளி பயணத்தில் புதிய அத்தியாயத்தை உருவாக்கியது.
அதே ஜூலை 18 தேதியை முன்னிட்டு, 46 ஆண்டுகள் கழித்து இந்தியாவின் தனியார் விண்வெளித் துறையின் புதிய மைல்கல்லாக ஸ்கைரூட் ஏரோஸ்பேஸ் நிறுவனத்தின் விக்ரம்-1 ராக்கெட் ஏவுதல் கவனம் பெற்றுள்ளது. இந்த நிகழ்வு, இந்திய விண்வெளித் தொழில்நுட்பத்தின் அரசு அமைப்பிலிருந்து தனியார் நிறுவனங்கள் வரை ஏற்பட்டுள்ள முன்னேற்றத்தை எடுத்துக்காட்டுவதாக பார்க்கப்படுகிறது.
விக்ரம்-1 ராக்கெட்டின் பல்வேறு கட்டங்களுக்கு அப்துல் கலாமின் நினைவாக "கலாம்" என பெயரிடப்பட்டிருப்பதும் குறிப்பிடத்தக்கது. இது இந்தியாவின் ஏவுகணை மற்றும் விண்வெளித் திட்டங்களுக்கு அவர் ஆற்றிய பங்களிப்புக்கு செலுத்தப்பட்ட மரியாதையாகும்.
அப்துல் கலாமின் தலைமையில் தொடங்கிய இந்தியாவின் விண்வெளி கனவு, இன்று அரசு மற்றும் தனியார் துறைகள் இணைந்து புதிய சாதனைகளை நோக்கி பயணிப்பதை இந்த வரலாற்றுச் சம்பவம் நினைவூட்டுகிறது.