கீழ்ப்பாக்கம் அரசு ஆஸ்பத்திரியில் மேம்படுத்தப்பட்ட நுண்கதிர் பிரிவு- அமைச்சர் தொடங்கி வைத்தார்

கீழ்ப்பாக்கம் அரசு ஆஸ்பத்திரியில் மேம்படுத்தப்பட்ட நுண்கதிர் நிறுவனத்தை அமைச்சர் மா.சுப்பிரமணியன் இன்று தொடங்கி வைத்தார். பின்னர் அவர் நிருபர்களிடம் கூறியதாவது:- கீழ்ப்பாக்கத்தில் கடந்த 10 ஆண்டுகளாக அனைத்து விதமான ஸ்கேன்களும் எடுக்கப்படுகின்றன. 2014-ல் இங்கு பட்டமேற்படிப்பு தொடங்கப்பட்டது. மார்பக கட்டிகள் சாதாரணமானவையா அல்லது புற்றுநோய் கட்டியா என்பதை கண்டறிய மருந்து செலுத்தி எடுக்கப்படும் மார்பக நுண்கதிர் படத்தில், கட்டி எடுத்துக்கொள்ளும் மருந்தின் அளவைப் பொறுத்து பிரித்து அறிய ஏ-1 மூலமாக சிறுநீரக கற்களை சி.டி. ஸ்கேன் மூலம் கண்டறியும் மென்பொருளை உருவாக்கி பரிசோதனை செய்ய புரிந்துணர்வு ஒப்பந்தம் போடப்பட்டுள்ளது. தமிழ்நாடு மற்றும் நம் அண்டை மாநிலங்களின் நோயாளிகளுக்கும் உடனுக்குடன் ஸ்கேன் செய்யும் வசதி உள்ளது. இவ்வாறு அவர் கூறினார்.